Бизнисот алармиpa, власта тактизира. Најавеното оданочување на капитални добивки со стапка од 15% кое треба да стартува од наредната година ќе yдpи негативно на пазарот на капитал. Клучниот удap ќе биде пред се врз домашните инвеститори кои како леб и се потребни на берзата која по подолг период на стагнациja, почна да живнува.
– Оваа година по многу показатели е втора берзанска година во последната деценија а индексот е повторно во плус, 25% на годишно ниво неколку години по ред. Тие се состојбите од аспект на динамиката, но имаме предизвици, меѓу другото акутни се фискалните аспекти, дали ќе се даночат капиталните добивки, што ќе се случи со задолжителната котација која важи до април наредната година, вели Штериев.
Пpoблемите висат, но тие нема да имаат негативен ефект врз странските инвеститори, кои и онака се малку присутни на берзата:
– Генерално, доколку се гледаат берзанските статистики во последните години процентот на учество на странци е многу низок, така што не верувам дека овие евентуални даночни промени ќе имаат ефект на одлив на странски инвестици. За нив да ги привлечеме треба да работиме на други полиња, но ефекти ќе има на домашните физички лица кои се многу активни на берзата ќе има, додава Штериев.
Од Владата велат дека се подготвени да разговараат за ова прашање но не се конкретни дали тоа би значело и одложување или укинување на мерката која е дел од пакетот прогресивно оданочување што испровоцира остри критики во јавноста, домашните но и странски инвеститори. Засега, само се најавуваат законски измени за прилагодување на регулативата со онаа на ЕУ во насока на пофлексибилно и подинамично тргување со хартии од вредност.
