Кандидатот за пратеник на СДСМ од дијаспората, Зоран Ивановски, по потекло од Битола, на својот фејсбук профил ја нападна својата матична партија дека не може да одвои доволна сума на пари за санација на Официрскиот дом во Битола, туку само им замачкува очи на битолчани одвојувајќи смешни 150.000 евра, со кои како што тој вели може да се офарба една страна, додека од друга страна се одвојуваат над 1.2 милиони евра за филм на Милчо Манчевски. Која е ползата од еден министер битолчанец во владата за Ивановски е нејасна.
Ивановски пишува како Алаѓозоски објаснувал како буџетот е мал па не може да се издвојат повеќе од 10 милион денари за санација на Офицерскиот дом во Битола, што се нешто повеќе од 150 илјади евра со кои може да се офарба една страна или половина Битола на очи. Додека како што пишува Ивановски на Манчевски му се одобруваат 77 милиони денари.
Има некоја лејка која уште има потреба за објаснување која е важноста да се има барем еден министер од Битола кој ако не друго ќе ни каже што се случува во Скопје, прашува Ивановски.
