Петре Шилегов, кандидадот на СДСМ за градоначалник на Град Скопје предвидува парк со рекреативни содржини на бунарското заштитено подрачје Нерези.
На социјалната мрежа Facebook се појави промотивно видео од проектот кој Петре Шилегов, заедно со Стефан Богоев, планираат да го спроведуваат во општина Карпош доколку ја добијат довербата на граѓаните на Град Скопје и Карпош на претстојните локални избори на 15 октомври. Се работи за предвиден парк со рекреативни содржини за граѓаните на Карпош, меѓутоа она што Шилегов не го знае е дека тој проект со сигурност ќе го наруши здравиот живот на граѓаните. Предвидениот парк на Шилегов се наоѓа на бунарското заштитено подрачје Нерези од кое Скопјани пијат вода во летниот период.
Да предвидиш било каква градба на ова подрачје е врвно непознавање на основните работи на функционирањето на градот, особено за Шилегов кој е претендент да биде татко на Град Скопје.
