Продолжуваат прашањата кои Бојан Јовановски му ги поставува на Орце Камчев во Кривичниот суд како дел од второто рочиште за случајот „Рекет“. Прашањата сае доста незгодни, а се чини дека на пола од работите за кои Јовановски го прашува Камчев тој не може да се сети.
-Велите бугарските и американските пријатели снимија се. Дали се уште го тврдите истото? Еве ќе се потрудам да го преформулирам прашањето за да не биде карактеризирано како дрско. Сем бугарските пријатели кого се сте информирале за операцијата и за сценариото за кое што признавте на самиот почеток во овој исказ дека сте го смислиле и сте биле играч во истото, запраша Јовановски.
На ова прашање се вмеша Русковска која вели дека на два пати е одговорено ова прашање и додаде дека и таа кога го испитувала тоа го кажал, но нејзиниот приговор не се уважи бидејќи прашањето не е спротивно на ЗКП.
-Кого се сум информирал за што, запраша Камчев.
-За вашата операција и сценарио кое што го признавте на самиот почеток на овој исказ, додаде јовановски.
-Јас бев у дупла улога со тебе и глумец и сценарист. Јас го направив сценариото јас ја направив глумата, а само се консултирав со мои пријатели кој што немаат врска со ништо, а живеат во Бугарија. И кој што ми дадода и кои што биле на слична мета уценети пред 10-тина години со слични работи, како да постапам, посочи Камчев.
-Пред овој ценет суд, пред целата македонска јавност ќе ве замолам да ги кажете со име презиме, пријателите кои што ви помогнаа во операцијата која што сте ја изведувале, запраша повторно 13-ка.
-Да ви ги кажам имињата на луѓето со кои што сум се консултирал? Тоа ме прашувате? Мојот вработен Имајло од Софија е главниот човек што сум го контактирал, презимето не се сеќавам, одговори сведокот.
