Бојан Јовановски нема никакви знаци на влошена здравствена состојба, ниту пак иритации на неговиот дигестивен тракт. Неговата крвна слика е солидна, а психичката е генерално позитивна. Тогаш зошто Бојан Јовановски се уште е хоспитализиран и дали тоа некој треба да го искористи како „грејс“ период во кој треба да го подготви пред рочиштето за „Рекет“ кое почнува на 3-ти декември
Според информациите на „Инфомакс“, првоосомничениот во аферата „Рекет“ се наоѓа во стабилна општа здравствена состојба. Неговата крвна слика е „кристално чиста“, а нема ниту компликации или иритации на дигестивниот тракт, како што претходно се пласираше во јавноста.
И покрај ова, Бојан Јовановски останува хоспитализиран во Градската општа болница „8-Септември“ каде ќе биде до 2-ри декември, ден пред да започне судењето за случајот „Рекет“ во кој тој е првообвинет.
Каква е потребата за Јовановски да остане хоспитализиран е нејасно, но од затворот „Шутка“ велат дека тој на 2.ри декември ќе биде вратен назад. Од моментот на хоспитализација на Боки 13, до 2-ри декември е отворен прозорец во кој, според шпекулациите, се користи од инволвирани лица во „Рекет“ со цел да се подготви за рочиштата кои започнуваат на 3-ти декември.
