Борбата за надминување на сиромаштијата во Русија се соочува со одредени тешкотии, но националните власти не се откажуваат од тоа, им рече на новинарите денес портпаролот на Кремлин, Дмитриј Песков.
„Вистина, не оди сè како што треба“, призна тој, коментирајќи ги настојувањата да се отстрани сиромаштијата во земјата. „Да, одредени фактори понекогаш сериозно ја попречуваат оваа работа. Сепак, никој нема да се откаже и работата на ова ќе продолжи“, вети тој.
Војната против сиромаштијата е „најголем приоритет“ за руските власти и претседателот. „Токму ова прашање се појавува во сите национални планови за развој. Се разбира, ниту едно обраќање на претседателот до Сојузното собрание не поминува без оваа тема и напорите за борба против сиромаштијата се вршат на трајна основа“, нагласи Песков
