МВР е претворено во партиски штаб на СДС. Tоа се потврдува и со фактот што секојдневно се бројат жртви по улиците, МВР како институција молчи, а во нивно име се пишуваат реакции од Бихаќка, велат од ВМРО-ДПМНЕ.
-МВР наместо да молчи и да го затскрива криминалот, треба да и одговори на јавноста: Каде е убиецот на младиот Мартин Јанушев и неговите помагачи? Кој им помогна да избегаат? Како избегаа и каква е нивната врска со криминалната врхушка околу Зоран Заев? Каде е убиецот од Чаир и неговите помагачи?
Каква улога во изборниот период имал активистот на СДС и во каков се криминал бил инволвиран?
Уште колку убијци и нивни соработници се на слобода? Уште колку животи треба да згаснат по улиците за да си замине Оливер Спасовски и конечно да и се овозможи на полицијата да делува против мафијата, прашуваат од ВМРО-ДПМНЕ.
Бракот меѓу СДС и мафијата, стои во реакцијата од ВМРО-ДПМНЕ, е на директна штета на државата и граѓаните и целосно ги парализира професионалците во полицијата да се борат против криминалните банди и да спречат да се случуваат вакви крвави пресметки по улиците.
