Британските експерти не успеале да докажат земја на потекло на нервниот гас со кој е отруен бившиот полковник на ГРУ Сергеј Скрипаљ, рекол шефот на воената лабараторија во Порт Даун Гари Ејткенхед за телевизијата „Скај њуз“
Шефот на лабараторијата потврдил дека добиенот примерок е идентификуван како отровна супстанца од типот „новичок“ (по британска терминологија).
Британската страна тврди дека труењето на Скрипаљ со супстанцата А-321 е дело на Русија, додека Москва тоа го негира.
Сергеј Скрипаљ и неговата ќерка Јулија се отруени на 4. март во Солсбери, а бритнаските власти, како и голем број држави во ЕУ, САД и Канада, по тој повод ја обвинија Москва.
Во таа смисла, голем број на земји одлучија да протераат руски дипломати, додека Русија тоа го окарактеризира како непријателски чин.
Официјална Москва во повеќе наврати соопшти дека на ниту еден начин не е поврзана со инцидентот.
#Salisbury attack: Scientists have not been able to prove that Russia made the nerve agent used in the spy poisoning. Porton Down lab’s chief exec reveals the details in this interview pic.twitter.com/qFNgPlr6vS
— Sky News (@SkyNews) April 3, 2018