Брнабиќ: Курти е идеолошки фaнaтик со нула прaгматизам

Поврзано

- Advertisement -
- Advertisement -

Српската премеирка, Ана Брнабиќ, изјави денеска дека со премиерот на Косово, Албин Курти, „нема разговори и договори и нема да има ниту заеднички договор“, јави дописникот на МИА од Белград.

Брнабиќ повтори дека состанокот во Тирана пред неколку дена бил „многу бурен и тежок“ и дека станува збор за подготвителен состанок за 15 јуни во Брисел, на кој ќе присуствува српскиот претседател Александар Вучиќ.

На прашањето како ја коментира изјавата на Курти со која ја обвинува Србија за геноцид, Брнабиќ кажа дека тој е „идеолошки фанатик со нула прагматизам“.

-Тој секој ден и се заканува на Србија со тужби за геноцид. Нека покрене тужба и потоа нека каже што сака, нека докаже што има, но да не се заканува, особено не на регионални состаноци, затоа што тогаш прави циркус од нив, изјави таа за ТВ Прва.

Српската премиерка оцени дека, што се однесува до Косово, „работите се тешки и ќе бидат се потешки“.

-Фактот што сега имаме политички елити во Приштина, луѓе кои не сакаат да зборуваат, е катастрофа за целиот регион и ќе биде исклучително тешко за претседателот (Вучиќ) на 15 јуни, оцени Брнабиќ.

Таа, исто така, кажа дека „нема надеж“ дека ќе се постигне заеднички консензус со другите партии за прашањето на Косово, бидејќи, како што додаде, ако тоа го ослабе Вучиќ, лидерот на Партијата за слобода и правда, Драган Ѓилас, би бил на страната на Курти.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This