Не помина ни еден месец откако новата министерка за финансии Нина Ангеловска го претстави својот нов тим пред јавноста, меѓу кој и Анја Марија Макеска, а таа веќе решила да си замине од ресорот за финансии, дознава Фактор.
Анја Марија Макреска беше најавена како координатор на социјални медиуми и односи со јавност, како и да се грижи за транспарентно и навремено споделување и информирање на јавноста за работата на Министерството за финансии.
Според информации на Фактор, Макреска, која уште неколку дена ќе остане во Финансии, си заминува од приватни причини од едно од најзначајните министерства во земјава. Се уште нема официјална потврда на оваа информација.
Министерката Ангеловска промовирајќи го својот кабинет рече дека е составен најмногу од жени, а беа најавени и надворешни соработници.
Извор Фактор
