Светскиот Македонски Конгрес (СМК) изразува жалење, после велепредавството со Договорот Заев-Борисов за ревизија на македонската историја, Софија ја засилува својата антимакедонска пропаганда меѓу Македонците во областа Гора и Жупа на Косово и во Република Албанија, претставувајќи ги за “Бугари“.
СМК ја осудува бугарската пропаганда во Албанија и Косово за денационализација и асимилација на Македонците во “Бугари“.
СМК и натаму повторува дека Македонците во Албанија и Косово, независно од вероисповедта, се неотуѓив и нераскинлив дел од Македонскиот народ! Македонците во Албанија и Косово никогаш не биле, ниту кога и да е ќе бидат “Бугари“!
СМК апелира Владата да преземе сериозни мерки во грижата за положбата и правата на припадниците на Македонскиот народ во Република Албанија и Косово.
СМК повторува дека се’ додека за Софија Македонија е дел од Бугарија, Македонците се Бугари, а Македонскиот јазик е дијалект на бугарскиот јазик, Договорот Заев-Борисов ќе биде велепредавство на државата Македонија и Македонската нација!