Лидерот на СДСМ Зоран Заев синоќа во интервју на ТВ 21 уште еднаш ја искористи приликата јасно и недвосмислено да ги каже своите планови и намери околу двојазичноста во Македонија – Заев сака да ја воведе, и не само тоа, човекот во целата своја мизерија изјави дека „лицето на Македонецот е грдо“ алудирајќи на сите оние кои не се согласуваат со него
Лидерот на СДСМ Зоран Заев синоќа во интервју на ТВ 21 уште еднаш ја искористи приликата јасно и недвосмислено да ги каже своите планови и намери околу двојазичноста во Македонија – Заев сака да ја воведе.
Заев соопшти дека ќе го промени и уставот ако треба за да се регулира двојазичноста, па Албански да може официјално да го употребуваат и малите проценти на албанци во Берово, Пробиштип, Прилеп и другите градови каде процентот на Албанци е помалку од 2%.
Најскандалозна, но не и неочекувана беше изјавата дека според него „грдото лице на Македонија“ се сите оние луѓе кои не се согласуваат со него. Човекот едноставно заборавил каде се наоѓа и која е неговата етничка припадност. Ако некој го претставува грдото лице на Македонецот, тогаш тоа е токму тој самиот.
Човек без скрупули, криминалец кој одбива да се соочи со вистината пред суд, па еднаш друи доби и аболиција, човек спремен да ја предаде сосптвената нација за негова лична корист, кодош. Ако мислеше на ова, тогаш да Заев е Македонецот со грдото лице.
Ваквото однесување на еден политичар кон својот народ, отварајќи теми кои никој не побарал да бидат отворени освен албанските националистички партии, е незабележано и незамисливо никаде во светот – покрај тоа што е тотално нелогично и нечуено во градови во кои има 1% и помалку од некое малцинство да се официјализира јазикот на малцинството.
Ова се премногу опасни тези на Заев бидејќи се јасна и отворена потврда за агендата на СДСМ која подразбира федерализација односно редефинирање на Македонија. Која е причината Заев да се однесува како поголем Албанец од Албанците и да работи на националистичките агенди на некои од албанските партии – останува нејаснотија.
Останува да се потсетиме на предупредувањето на Министерот за надворешни работи на Руската Федерација Сергеј Лавров, кој уште пред една година предупреди пред Рускиот парламент дека располага со оперативни сознанија за ковање на план за поделба на Македонија.
