March 28, 2024, 11:53 pm

БУЈАР ОСМАНИ СЕ СРЕТНА СО КОЅИЈАС: Процесите може да се откочат со добра волја и доверба помеѓу државите

Поврзано

- Advertisement -
- Advertisement -

Заменик Претседателот задолжен за европски прашања, Бујар Османи се сретна со Грчкиот министер за надворешни работи, Никос Коѕиас, кој е во еднодневна посета на Република Македонија.

На средбата, Османи и Коѕиас разговараа за можностите за унапредување на соработката меѓу двете земји a кои се отворија со новиот политички импулс во односите со соседите кој го донесе новата Влада. На средбата, Османи му го претстави и Планот 3-6-9 на Коѕијас, чија имплементација, како што истакна Османи, е во насока на откочување на процесите поврзани со европската интеграција на Македонија.

Вицепремиерот Османи особено ја истакна успешната билатерална соработка меѓу Македонија и Грција, која е исклучително позитивна во делот на искористување на средствата од ИПА во проектите за прекугранична соработка, како и соработката во рамки на твининг проекти и инструментот ТАЕКС. „Во овој дел, иако постои веројатно и најголем напредок во соработката меѓу двете земји, тоа се сегменти кои сѐ уште имаат и најголем потенцијал за унапредување на меѓусебната соработка, како важен сегмент од изградбата на доверба меѓу двете општества,“ подвлече Османи.

Вицепремиерот Османи изрази задоволство од унапредувањето на меѓусоседската соработка меѓу двете земји, и посочи дека изградбата на довербата не ја гледа само како обврска да се биде добар сосед и пријател, туку и заложба од тоа да произлезе и решение за нашата насушна потреба за членство во НАТО. „Ако ја зачуваме оваа енергија, ако го зачуваме ова ново пријателство, ако ја зачуваме оваа волја која и двете земји овој период јавно ја демонстрираме, решение ќе има“, додаде Османи.

На крајот од средбата двајцата соговорници се согласија дека евро-атлантските интеграции на земјава се единствена алтернатива со која ќе се зајакнат и стабилноста и безбедноста на регионот, како и да се одржи комуникацијата меѓу двете земји со отворен дијалог за партнерство.

2 КОМЕНТАРИ

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This