Брутална зима ја зафти југоисточна Европа, со екстремно ниски температури и снег во Италија, на Балканот и Турција. Ова беше причина за голем број на сообраќајни незгоди, затворање на училишта, откажани летови и потешкотии за бездомните и бегалците. Реката Дунав и Босфорот беа затворени за бродскиот сообраќај
Кралскиот Метеоролошки институт од Холандија, кој е дел од Регионалниот климатски центар, спроведе брза анализа во силниот и краток ладен период кој го зафати регионот од 7 до 11 јануари годинава.
Воздушен систем со висок притисок кој полека се движеше источно над Европа беше начинот преку кој ладниот Сибирски воздух ја „нападна“ југоисточна Европа, во нејзиниот источен дел. Црна Гора, Србија, Република Македонија и Бугарија беа многу поладни од нормално, со температури кои го одминуваа -15 степен цели пет дена. Околните земји – Италија, Грција, Турција и Романија беа 5 до 10 степени поладни од нормалата во ова време од годината. Ниските температури кои се развиваа над Медитеранот донесоа и голема количина на снег во многу места.
Овој вид на метеоролошки феномен не е непознат за регионот, и се случува еднаш на секои 35 години, според анализата на Кралскиот институт во Холандија.
Ова значи дека секоја година постои 3% шанса дека ваков студен бран секоја година. Температурите на овие ледени бранови се зголемила од 1950 година. Ова зголемување не е статистички релевантно поради варијабилоста на времето, но климатските модели покажуваат еднакво ниво на зголемување во температурата. Без климатската промена, ладново време би било неколку степени пониско, се вели во анализата на Кралскиот институт.
