Вакцината против ковид -19, во форма на спреј за нос, ќе биде достапна во есента 2022 година, потврди директорот на Центарот „Вектор“ во Новосибирск, Ринат Максјутов.
Тој посочува дека ќе се спроведат клинички испитувања, а потоа ќе почне масовно производствот на вакцината во спреј.
Експериментите со вакцината во спреј се спроведуваат во многу земји, но тестовите се претежно на животни. Директорот на центарот „Гамалеја“, Александар Гинзбург, исто така, рече дека се подготвени да започнат клинички испитувања на назалната вакцина во спреј против коронавирусот.
Гинзбург објасни дека спрејот ќе содржи уште една компонента на вакцината „Спутник В“, и ќе се вбризгува во носот со специјален шприц. Центарот „Гамалеја“ ја патентираше изработката на вакцината во форма на спреј и капки во април.
– Ние веќе ги поминавме претклиничките испитувања на назалната вакцина против корона. Прашањето за финансирање клинички испитувања сега се решава – рече Гинзбург и нагласи дека луѓето кои ја пробале вакцината инјектирана во носот немале никакви придружни несакани ефекти.
Специјалистот за заразни болести Светлана Ишченко е оптимист дека вакцината со спреј може да биде поефикасна во создавање подолг имунитет.
Во центарот „Гамалеја“ очекуваат нивната назална вакцина да биде регистрирана во 2022-ра година. Клиничките испитувања на вакцината на „Гамалеја“ ќе се одржат до крајот на оваа година и почетокот на следната година.
Предноста на вакцинацијата со спреј е што се создава имунитет преку мукозната мембрана на респираторните органи, што, нагласуваат експертите, ќе ја намали можноста за пренесување на вирусот.
Професорот Гинзбург тврди дека предноста на вакцинацијата со спреј или капки за нос е тоа што тие ќе имаат помалку несакани ефекти во оваа форма отколку во форма на вакцина. Исто така, ќе се препорачуваат за деца.
И научниот истражувачки институт „А. Смородин“ во Санкт Петербург, исто така, ги заврши претклиничките испитувања на својата вакцина против корона. Сега ќе се спроведат истражувања на волонтери. Оваа вакцина треба да заштити не само од корона, туку и од грип. Директорот на тој институт, Дмитриј Лиознов, најави дека вакцината ќе се произведува и во форма на спреј.
Назалната вакцина нема да се продава во аптеките, бидејќи ќе треба да ја инјектираат медицинските лица.
Вакцината „Спутник лајт“ е создадена поради големата побарувачка за вакцини, која руските производители не можеа да ја испорачаат. Затоа, оваа вакцина, која се дава само во една доза, е понудена на земјите каде што се појави епидемијата. На почетокот на летото, кога беше пуштена во продажба „Спутник лајт“, беше кажано дека граѓаните на Русија ќе продолжат да се вакцинираат со две компоненти, а „лајт“ варијанта ќе оди само за извоз. Недостаток на оваа вакцина, која се дава само во една доза, е што антителата остануваат пократки во телото отколку во „Спутник V“.
