Поранешниот грчки Министер за финансии во Владата на СИРИЗА, која ја предводеше Ципрас и со која Македонија го потпиша Преспанскиот договор е многу лут: тој на Твитер го обвини газдата на Фејсбук, Марк Закерберг, дека му го украл името „Мета“, јави дописничката на МИА од Атина.
„Тргнете ги рацете од нашата „Мета“, Центар за посткапиталистичка цивилзација, господине Закерберг. Вие и вашите полтрони не би ја препознале цивилизацијата дури ни ако ве удри како весло од брод“, напиша Варуфакис.
Иако самиот збор „мета“ е од старогрчко потекло, значејќи „одзади“, сепак не е јасно на што алудира Варуфакис кога вели „цивилизација“.
„Закерберг штотуку ја „позајми“ нашата Мета (https://metacpc.org) за да го ребрендира Фејсбук. Претходно го „позајми“ името на нашето движење, DiEM (http://diem25.org) за да ја ребрендира неговата криптовалута Либра. Што е следно? Барем нашата радикална агенда за експропријација на технолошките господари е безбедна!“, напиша Варуфакис на „Твитер“, објавувајќи фотографија од знакот на нивниот центар Мета.
