Во своето традиционално неделно обраќање Папата Франциско лансираше нова дигитална платформа што ќе им овозможи на верниците да се молат со поглаварот на Римокатоличката црква во реално време, пренесува НДТВ.
Онлајн религиската платформа е наречена „Светска мрежа за молитви со папата“и вклучува телефонска апликација „Кликни за молитва“ за верниците, им овозможува на претплатниците да знаат за што точно се моли папата во секој даден момент, па секој од околу 1,3 милијарди римокатолици може да му се придружи во молитвите.
Апликацијата ќе им овозможи на верниците „да го придружуваат папата во мисијата за сочувство кон светот“ изјавија од Ватикан
На промоцијата на апликацијата, Папата Франциско имаше потешкотии во објаснувањето како функционира самата и побара помош од свештениците со технолошки познавања за церемонијата.