Блокирањето на која било земја кандидат за во ЕУ не се прави врз основа на историјата и идентитетот, туку врз основа на достигнувањата, како што е примената на европското законодавство и достигнувањето на европските стандарди.
Бугарија ја внесува историјата во процесот на проширување, што би го направило практично невозможно или многу тешко за останатите балкански земји да напредуваат.
Ова го изјави Весела Чернева, заменик-директор на Европскиот совет за надворешна политика (ECFR) и директор на софиската канцеларија на организацијата во интервју за бугарски „Капитал“.
Ако Полска и Унгарија не ставија вето на буџетот, каков би бил разговорот за Бугарија во Брисел во моментот?
Нема да има разговор. Beќе има серија наоди дека Бугарија ја внесува историјата во процесот на проширување, што би го направило практично невозможно или многу тешко за другите балкански земји да напредуваат. Постојат најмалку 11 билатерални спорови на Балканот. Би било опасно ако некој може да блокира секого.
