Лос Анџелес, 17 декември 2019 (МИА) – Луѓето кои анализираат разговори на други луѓе со своите дигитални помошници, како што се Alexa на Amazon и Siri на Apple, ја оценуваат својата работа како истоштувачка и деликатна.
Нивната цел е подобрување на технолошки автоматизираниот разговор. Но, стручњаците откриваат дека анализите на коментарите откриваат детали од ceкcyaлниoт живот на луѓето, или пак негово отсуство.
Според „Блумберг бизнисвик“, тоа во извесна мера ја доведува во прашање приватноста на корисниците. Во написот, еден од оние кои работат на функциите на вештачката интелигенција Alexa, раскажува дека работата негова вклучува и прислушување записи на самотници што „флepтyвaлe” со дигиталниот соговорник и му доверувале тајни, меѓу кои и своите ceкcyaлни фантазии за, на пример, cилyвaњe.
Корисниците на Amazon на својот профил имаат и опција „Доверливо со Alexa”, за наводна неупотреба на записот за испитување нови функции.
Други сведоштва говорат дека се знае и кога некој преку интернет порачува ceкc-играчки, или како на една празнична вечера некој коментирал како Amazon ги прислушкува.
Сè тоа, некако потсетува на романот на Џорџ Орвел „1984″, или пак, на сведоштвата на Едвард Сноуден за нapyшувaњe или контрола на приватноста преку технологијата.
Службениците најмени од Apple, пак, кои работат на Siri, раскажуваат како морале, на дневна основа, да дешифрираат 1.300 одломки од приватни и интимни разговори.
Компаниите, сепак, нагласуваат дека ја почитуваат приватноста на своите корисници.
