Ветената одмазда за ликвидацијата на иранскиот генерал на исламската гарда Касам Сулејмани, вечерва започна, откако Иран истрела преку 30 балистички ракети од своја територија врз американска база во Ирак
Видео снимки кои ги објави иранската национална агенција ФАРС се појавија на интернет, а во објаснувањето стои дека се работи за 30 балистички ракети чија мета е американската воена база Ајн ал-Асад во Ирак.
„Одмаздата започнува / Армија на балистички ракети врз базата на САД (Ајн ал-Асад)“ – стои во текстот на новинската агенција ФАРС која ги објави снимките.
Засега нема официјални податоци за сериозноста на нападот, ниту пак за евентуални жртви на американска страна, иако „Ројтерс“ пренесува цитати од анонимни извори во американската армија кои потврдуваат дека се работи за ирански напад.
Американскиот претседател Доналд Трамп пред два дена потсети дека доколку Иран ги исполни заканите, САД имаат 52 витални мети низ Иран кои ќе бидат експресно елиминирани.
Минатата недела, САД изврши ликвидација на генералот на исламската гарда на Иран Касам Сулејмани, а неколку дена подоцна и врз други високи воени претставници на паравоени структури во Ирак кои беа под чадорот на Иран.
По ликвидацијата, Иран се закани со „силна одмазда“ врз САД.
🎥 «انتقام سخت» آغاز شد/ حملات سنگین موشکی سپاه به پایگاه آمریکایی عینالاسد pic.twitter.com/sbw0cwGH6B
— خبرگزاری فارس (@FarsNews_Agency) January 7, 2020
ВТОР НАПАД ОД ИРАН: Втор бран ракети истрелани кон објекти на САД во Ирак