Откако македонската јавност беше шокирана од случајот со претепаниот пациент на Клиниката за Кардиологија во Скопје, денеска се случи уште еден скандал токму на истата клиника.
Марија Андоновска од ВМРО-ДПМНЕ, која денес сакаше пред клиниката да одржи прес-конференција за медиумите беше буквално избркана од новата заменичка директорка Валентина Андова на клиниката за Кардиологија поставена токму од новата Влада на Зоран Заев.
-Вие сакате да ги премолчите работите, вие не сте виновни, виновни се вашите претпоставени, министерот и Зоран Заев, рече Андоновска.
По ова заменик директорката Андова, која според непотврдени информации е снаа на Стојан Андов, побара да се исклучат камерите и таа да си замине од клиниката за да соопшти дека минатата власт предводена од ВМРО-ДПМНЕ 11 години не им обезбедило обезбедување на клиниката, а со тоа и таа избегна да одговори на прашањето во врска со претепаниот пациент на нивната клиника.
-Тоа не е демократија, тоа што вие не попречувате да кажеме дека на вашата клиника се претепуваат пациенти, а вие не реагирате на тоа, а реагирате тука да дојдете да не попречите да ја кажеме вистината.
