Политичкиот аналитичар Сотир Костов даде „преодна оценка“ за демократијата во Македоија, која се покажа со дуелот помеѓу лидерот на опозицијата и премиерот, но сепак смета дека Мицкоски покажал поголема контрола и знаење од Заев
„Мислам дека лидерот на опозицијата покажа една голема концентрација и бидејќи долго време се бавам со бренд и брендинг, голем фокус. Човекот беше сконцентриран на темите за кои треба да се разговара и покажа пред добар вокабулар, би рекол логосот, содржината беше на доста високо ниво, на завидно ниво, а етосот и патосот на тоа како го изведе пред камерите, како му се спротивстави на Зоран Заев, каква емоција покажа – говорот на телото – се гледа дека човекот се спремал за овој дуел“ – истакна Костов.
„Е, сега од друга страна морам да кажам дека Заев, премиерот на Владата на Р.Македонија, лидерот на СДСМ покажа некои работи кои што сепак, доаѓа до израз неговата непоготвеност и неговата ниска политичка култура. На неколку начини го омаловажуваше неговиот соговорник, пред се со гестови, покажуваше недолични гестови.“ – анализира аналитичарот Костов, додавајќи дека секогаш кога Заев немал аргументи се приклонувал кон лични навреди што покажува особина на ситна душа.
