Зијадин Села во неговото вчерашно гостување во емисијата Топ Тема на Телма рече дека појавувањето на Зоран Заев како премиер во изборна кампања за локални избори е во спротивност со препораките на Прибе. Според него Заев треба да внимава каде се појавува.
– Фактот што вие тврдите дека Заев се појавува и води кампања за градоначалници кои се на втор круг сега на ДУИ тоа е во спротивност од препораките на Прибе. И многу други препораки за кои се залага оваа власт, мислам дека премиерот треба да пази каков вид кампања и каде се појавува за да прави кампања, истакна Села.
Имено медиумите досега неколку пати објавија фотографии и видео материјал како министри од владата на СДСМ, државни службеници и функционери активно се вклучени во изборната кампања промовирајќи ги кандидатите на СДСМ.
Како што напомена Села сето тоа е во спротивност со европските заложби на земјата.
Имено тоа претставува директно мешање на партијата и државата, а токму тоа беше една од главните забелешки во извештајот на Прибе.