Ветувањата за расчистување на петкратното убиство на нашите деца беа само дел од политичкиот пазар на Заев и Дуи. Пред две години ни ветуваше дека ќе направи се да излезе на површина а сега немо молчи – потресно сведоштво на Горан Наќески татко на убиениот Александар. Видно потресен не сакаше да разговара пред камерата на алфа но затоа во телефонската изјава каде се чувствуваше неговата вознемиреност раскажа за ветувањата кои му ги давал актуелниот премиер зоран Заев пред да дојде на власт.
Ни испрати фотографи од смс пораките и комуникацијата што ја имал со Заев, кога како лидер на опозицијата се закануваше дека има бомби за случајот Смилковско езеро и доколку ги објави ќе се смени целиот тек на постапката.
Наќески раскажува дека и пред еден месец се слушнал телефонски со Заев, побарал објаснување зошто досега ништо не им е предадено, но добиле само штур одговор дека се што имал предал на СЈО.
Вели бегството на двајца од обвинетите јасно говои дека тие го признаваат делото. Наќески вели секојдневно е во комуникација и со останатите родители кои кобниот 12-април на Велики четврток ги изгубија своите чеда. Но и нивниот став е дека со одлуката обвинението за обвинетите за „Монструм“ да се врати од почеток и да се укинат доживотните казни е скандалозна. Уверени се дека токму тие се убијците на нивните деца.
