„Не губете ја вербата во себе, од вас зависи иднината на Р.Македонија. Не губете ја надежта и патриотската љубов кон Р.Македонија бидејќи само како суверена и независна држава таа ќе биде заштитник на вашата слобода и човечко достоинство. Јас како граѓанин ја донесов својата одлука, на 30.септември нема да излезам да гласам“ – рече претседателот Ѓорѓе Иванов во излагањето пред Генералното Собрание на ОН
Иванов објасни дека никој не смее да го одземе или оспори правото на еден граѓанин да гласа, но и правото да не гласа. Според претседателот, овој договор е капитулантски и го укинува државотврониот карактер на Македонскиот народ, но истовремено значи и прекршување на сите меѓународни повелби, резолуции и права за основните човекови слободи и права врз кои почива, како што рече „иронично“ и Преспанскиот договор.
Ги повика и државите кои ја признале Македонија под Уставното име да не ја менуваат одлуката во случај власта во Македонија спротивно на народната волја да донесе нелегитимна одлука.