Да беше Заев на поголема морална висина, како и целото општество, Заев ќе назначеше друг за премиер, вели професорот по Кривично процесно право, Гордан Калајџиев.
„Мислам дека и од аспект на ПР не е добро кога за реформи на судството дава изјави од пред судската сала, од каде излегува како обвинет. Тоа не е баш најприкладно“ – истакна Калајџиев.
На прашањето дека е проблем што Заев ќе води Совет за реформи во судството, кое треба да постапува во процесите против него, Калајџиев вели:
„Тоа навистина е многу комплексно прашање. Заев мора да признаеме изигра голема улога. Можеби да беше на некоја поголема висина и тој и целото општество, во една фаза откако ја добија победата, можеби заради овој товар што го има објективен дека против него се води постапка, можеби можеше и да постави друг за премиер од партијата, прашање е тоа дали е реално и возможно, можеби во други пософистицирани средини, ние не сме стигнати до таа сфера, и тој сега има сериозен проблем со тој багаж. Мислам дека и од аспект на ПР не е добро кога за реформи на судството дава изјави од пред судската сала, од каде излегува како обвинет. Тоа не е баш најприкладно“.
