„Чекор напред“ – вака го оцени интервјуто на Зоран Заев за бугарската новинска агенција „БГнес“ министерот за одбрана на Р.Бугарија и тамошен вицепремиер Красимир Каракачанов, не заборавајќи да го пофали Заев за „добар Бугарин“.
„Како што се вели во старата поговорка, на Бугаринот акалот му доаѓа другиот ден“ – коментира Каракачанов, на прашање поставено од новинар во врска со интервјуто на Заев.
Според Каракачанов, Зоран Заев не „негов колега“ кој како во старата поговорка, доцна се сетил дека е „добар Бугарин“. Тој објаснува дека повеќе не му верува на Заев само на збор, туку само на дела – она што го кажа во интервјуто, објаснува Каракачанов, треба да го видиме на дело.
„Јас повеќе не верувам на зборови, тоа така беше до сега. Отсега мора да видиме на дело, па потоа ќе цениме“ – коментира Каракачанов, додавајќи дека она што го зборува Заев за „заедничка историја“ не е точно, бидејќи тоа би значело постоење на Македонска историја – напротив, историјата на територија на Бугарија и Македонија е бугарска вели Каракачанов.
