Од срамната агресија на НАТО пактот врз Србија и Црна Гора, во која учествуваа 19 земји поминаа цели 18 години. Агресијата е извршена преку грубо кршење на Повелбата на Обединетите нации и основните принципи на меѓународното право, и претставува злочин против мирот и човештвото
Ова, подоцна ќе послужи како преседан и вовед во многу други агресии и насилни државни удари на влади во суверени држави. За време на агресијата настрадаа околу 4.000 луѓе, ранети се околу 8.000 граѓани. За време на 78 дневната немилосрдна воздушна кампања, агресорите ги уништија патиштата, железничките пруги, мостови, електро мрежата, семејни домови, болници, училишта, ТВ и радио станици, и многу други цивилни објекти.
Воената штета е проценета на повеќе од 100 милијарди долари. Во таа злосторничка акција, НАТО користеше проектили со осиромашен ураниум, касетни бомби и други забранети средства, кои и денес подолжуваат да ги одземаат животите на недолжните граѓани.