Само неколку дена по воените вежби на Крим, војската на Русија имаше нова задача. Овој пат артилеријата мораше да покаже за што е способна
Руската артилерија одржа вежба од големи разбери во Оренбурската област, соопшти информативната служба на Централната воена област.
-Вежбите се одржани на полигонот Тотск во близина на Оренбург како дел од годишната артилериска обука на Централната воена област. Учествуваа преку 1.000 воени лица и преку 300 единици воена опрема – се наведува во соопштението.
За време на вежбите се користени ракетни фрлачи Град и Ураган како и Мста-С и Мста-Б хаубици.
Артилериските единици извршија повеќе напади на подвижни мети, командни места и објетки за складирање на муниција на симулиран непријател.
Координацијата на метите е обезбедена преку дронови.