Безбол играчот Данри Васкез експресно доби отказ од својот тим Ланкастер барнстормерс, откако вчера во американските медиуми се појави видео како тој брутално ја тепа својата девојка.
Веднаш бил уапсен од полицијата, но откако видео-снимката беше објавена на интернет, клубот веднаш сакал да се дистанцира од играчот, кој доаѓа од Венецуела.
-Немавме никаков друг избор, освен да ја прекинеме соработката. Ниту јас, ниту нашиот клуб не можеме да толерираме вакво однесување, изјави менаџерот на тимот Рос Пиплс.
За време на инцидентот Васкез играл за тимот на Корпус Кристи хукс во ниските безбол-лиги во САД. Откако бил уапсен за кратко бил пуштен на слобода, бидејќи платил кауција. Обвинувањата против него биле отфрлени годинава. Она што е скандалозно е фактот што наместо да скапе во затвор на Васкез му било препорачано да оди на состаноци за контрола на гневот, односно на терапија.
