Граѓани кои со години чесно го заработуваа својот леб на тезгите околу чинарот во центарот на Охрид беа насилно отстранети со помош на полицијата.
Тезгите кои го красеа градот и беа еден вид на заштитен знак од каде туристите можеа да купат сувенири и различни производи се отстранети по барање општината и градоначалникот Јован Стојановски со помош на полицијата. Отстранувањето на тезгите беше проследено со големо полициски присуство и со низа инциденти.
Еден од сопствениците на тезгите без никаква причина беше приведен од страна полицијата. Сведоците велат дека полицијата била екстремна во своето постапување и немало никаква основа за приведување на тезгаџијата. Незадоволство од ваквата одлука на општината има и кај граѓаните кои велат дека малите тезги околу чинарот се дел од културата и духот на градот и добра шанса за тезгаџиите чесно да си го заработат парчето леб.