Романските власти велат дека има најмалце тројца загинати, а стотици луѓе се спасени за време на силни бури и обилни врнежи што ја погодија земјата.
Романското Министерство за внатрешни работи соопшти денеска дека 760 лица се спасени или евакуирани и дека 20.000 луѓе работат на теренот, пренесува АП.
Човек кој ја преминал реката на коњ, се удавил денес откако го однела водата. Жена се удавила во источниот дел на Романија, а третата жртва била човеккој загинал кога на својата нива собирал зеленчук.
Романските власти објавија дека пет национални патишта се поплавени и дека сообраќајот е прекинат во централна Романија.
На неколку места во земјата има прекин на електричната енергија, а властите го следат порастот на водостојот на две реки во северна Романија.