Бриселската полиција употребила водени топови и солзавец за да ги запре учесниците на протестот против високите даноци и животни трошоци, кои со камења гаѓаа кон канцеларијата на премиерот Шарл Мишел
Повеќе десетица лица се уаспени, додека две полициски возила се уништени за време на протестите кои започнаа мирно, но станаа насилни кога демонстратите се обидоа да го пробијат полицискиот кордон, наведува Ројтерс.
АП додава дека полицијата гаѓала со водени топови кон учесниците на протестот, кои се обиделе да пријдат кон владината зграда и канцелариите во центарот на Брисел и почнале да фрлаат камења кон барикадите.
Околу 300 луѓе учествуваа на протестите познати по тоа што нивните учесници носат „жолти елеци“, проценува портпаролкат на градската полиција.
Како што додава, полицијата уапсила 60 лица поради нарушување на јавниот ред и мир, а повеќето носеле предмети кои се сметаат за опасни, како што се жилети и пепер-спрејови.
Некои се задржани во притвор бидејќи носеле и гас маски, што според полицијата значи дека очеклувале да биде употребен и солзавец.
