Во северно Косово речиси и ништо да не работи, во изминатите неколку денови граѓаните ги искористија за да се снабдат со залихи, а денес може да се забележат празни рафтови по продавниците, затворени пекари, бензински пумпи, аптеки, козметички салони, угостителските објекти.
„Предупредувавме дека не можеме да работиме вака со царините и еве што се случува. Додека се на cилa царините, додека не можеме нормално да набавуваме стока и да работиме како нормалниот свет, ова ќе трае“, кажа Претседателот на здружението на претприемачи на северот на Косово, Радош Петровиќ за РТС.
Според Петровиќ, оваа акција почнала спонтано, како што продавниците една по друга останувале без стока.
„Сите се солидаризираа, не е фер некој да работи, а некој не“
Сите прехранбени продавници, дуќани и трафики со стока за широка потрошувачка на северот на Косово се затворени во знак на протест поради трговската блокада и царината од 100 отсто кои Приштина ги воведе на стоката од Србија.
