„Јас сум почестен вечерва во оваа глобална битка во која што Македонија не само што се спротивставува, туку и во овие напади треба да се брани за набавки од Русија, Турција и Кина. И сега тука јас сум почестен, во ова друштво се наоѓа и Стевчо Јакимовски. Заедно со Путин, Ердоган и Кси Џинпинг“ – рече вечерва лидерот на ГРОМ Стевчо Јакимовски откривајќи дека оваа истрага против него е отворена откако ги одбиле непристојните понуди на Заев за пратеникот Панчо Минов да гласа „За“ уставните промени.
„Да, имаше непристојни понуди. На два пати го викаа (пратеникот) на разговори за да го убедуваат да гласа, во предмет на разговорот сум бил и јас. Нормално дека не попуштивме, и нема шанси да попуштиме. Многу добро знаат кој го повикувал нашиот пратеник, по налог на Зоран Заев. Нема шанса да попушти ГРОМ и нема шанса да гласа (пратеникот).“ – вели Јакимовски.
Тој додава дека негоата партија нема шанси да гласа за уставни промени, ако сакаат и пред стрелачки вод да го стават, ниту кривични пријави го плашат ниту други закани , вели Јакимовски.
