Рускиот претседател Владимир Путин, заедно со турскиот претседател Реџеп Тајип Ердоган, присуствуваа на церемонијата за завршување на изградбата на поморскиот дел од гасоводот Турски Тек преку теле-мост.
Претседателот на Русија на отворањето рече дека “Турскиот тек” ја покажа својата ефикасност во соработката со Турција во решавањето на најтешките проблеми.
Рускиот претседател, исто така, истакна дека Русија е сигурен снабдувач со природен гас.
Тој додаде дека Русија и Турција ќе остварат промет од 100 милијарди долари.
Првата гранка е планирана да обезбеди гас за турски потрошувачи и ќе почне да работи оваа година. Втората гранка е наменета за снабдување на земјите од Јужна и Југоисточна Европа, а нејзиното пуштање во употреба е планирано за 2019 година.