На американската амбасада во Анкара, во околу 5 часот по локално време, испукани биле неколку куршуми од возило во движење, при што бил погоден прозор на куќичката за обезбедување, пренесува турски “CNN”.
Полицијата ги бара осомничените, а за среќа, во нападот нема повредени , пренесуваат тамошните медиуми.
Пет или шест истрели се слушнале во близина на куќичката за обезбедување на капијата на амбасадата.
VIDEO from outside the US Embassy in Ankara, Turkey, after shots were fired.
— Al Boe 🚨 BREAKING NEWS 🚨 (@AlBoeNEWS) August 20, 2018
Куршумите биле испукани од бел автомобил во движење, кој побегнал пред да се види бројот на неговите регистарски таблички.
Како што се наведува, нападот се случил во околности на влошени односи меѓу Анкара и Вашингтон, поради судењето на американскиот свештеник Ендру Брансон во Турција.
Нападот врз американската амбасада во Анкара е јасен обид да се создаде хаос, изјави портпаролот на турскиот претседател, Реџеп Тајип Ердоган, Ибрахим Калин.
Портпаролот осудувајќи го нападот рече дека истрагата за инцидентот е во тек, пренесе „Ројтерс“.