По објавувањето на пресудата, обвинителството побара за осудениот Сашо Мијалков мерката куќен притвор да биде заменета со мерката ефективен притвор со образложение Мијалков има дозвола за престој и престојувалиште во Прага, но и дека се работи за човек кој е добро ситуиран со приватни бизниси, што му овозможува да организира логистика и може да живее во бегство сосема комотно.
Судот го уважи барањето на обвинителството и го укина куќниот притвор и одреди мерка притвор во КПУ во траење од 60 дена во КПУ затвор Скопје.
„Против обвинетиот е поднесен обвинителен предлог, па согласно предвидено е по објавување на пресудата, притворот да трае најмногу 60 дена. Мијалков да биде примен во затвор КПУ Скопје. Веднаш да го земат Мијалков од адресата каде што му е одредена мерката куќен притвор, и да се однесе во притвор“, истакна судијката.
