Најновото издание на емисијата „Мода“ кое се емитува на 1ТВ остави свој личен печат.
Модниот критичар и водител на емисијата, Сергеј Варошлија покрај случајните минувачи сега ги искоментира стиловите на пратеничката Даниела Рангелова, пејачката Пепи и водителката Елена Стефановска.
Модните катастрофи на овие јавни личности, како и оние луѓе што објавуваат фотографии на социјалните мрежи можете да ги погледнете во видетото подолу:
Претходната недела на мета се најде и младиот пејач Огнен Здравковски кој зема учество на еден фестивал во Бугарија.
Во секојдневното издание на емисијата „Мода“ имаме прилика да слушнеме модни критики и пофалби на Сергеј Варошлија.
Сергеј прво искоментира една фотографија на која Огнен е со некоја пејачка.
„Дечково до нејзе е во катастрофална модна комбинација. Вечна катастрофа. Бела кошула, бели фармерки, црн каиш, црвени патики и црно сако, заедно двајцата на плочки во некој ходник. На што личите, па на ништо. Ни тој сам за себе, ни таа сама за себе, за двајцата: ќе ми пукне душата“ искоментира Сергеј.
Потоа, Сергеј го коментираше и стајлингот на Здравкоски за настапот во Бугарија.
„Мислам дека тука во оваа ситуација молчењето е најдобра работа. Ова изгледа како да е фотографирано во некоја месна заедница. Не, со ваков изглед не на фестивал“ истакна Варошлија.
Огнен ги слушна советите и коментарите на модниот критичар, па на „Инстаграм“ објасни дека за следниот настап и фестивал ќе го побара Сергеј за да му помогне за стајлинг.
