Екс-премиерот и почесен претседател на ВМРО-ДПМНЕ Никола Груевски на денешната прес конференција од Собранието на Р.Макеоднија најави дека утре нема да присуствува на закажаното рочиште на кое треба да се прочита пресудата, која тој смета дека е донесена многу поодамна, како дел од реваншизмот на актуелната власт, но и на некои надворешни центри
 
;Мене не ме суди судот, туку политиката. Се ќе се издржи и ќе помине, но нема да се заборави. Судството ме товари зашто бев водач на ВМРО-ДПМНЕ и зашто на некого му пречам. Судиите се професионални и стручни, но работат под голем притисок, а некои се блиски и до Зоран Заев.
Погледнете ја во продолжение целата прес конференција – напиша Груевски на неговиот ФБ профил, објавувајќи снимка од прес конференцијата.
– Ниту јас, ниту моите адвокти нема да се појавиме утре на седница. И нивното присуството во Апелација не може ништо да промени. Никакви правни аргументи не се доволни на однапред политички договорена пресуда и однапред донесена политичка одлука. Ако судиите се толку исплашени и подлегнале на политичка нарачка, ете им можност без мене да донесат каква сакаат пресуда. Ниту едно незаконско ставање во затвор нема да ги избрише од меморијата на граѓаните делата кои сум ги направил за оваа држава и овој народ, за бранењето на државните интереси, истакна Груевски.
Ќе дојде време, додаде, кога народот ќе си ја врати власта во свои раце и кога ќе се преиспитаат ваквите одлуки.
– Мене не ме суди судот, туку политиката. Се ќе се издржи и ќе помине, но нема да се заборави. Судството ме товари зашто бев водач на ВМРО-ДПМНЕ и зашто на некого му пречам. Судиите се професионални и стручни, но работат под голем притисок, а некои се блиски и до Зоран Заев, укажа Груевски.
Се пожали и дека во петокот му бил закажан термин за седница кога сите негови адвокати учествувале на рочиште за „27 април“, а тој сам во Апелација поминал 11 часа.
