Во главниот град на Украина, Киев, ноќта помеѓу 2-ри и 3-ти јануари дошло до физичка пресметка помеѓу 26—годишниот припадник на обезбедувањето на украинскиот претседател Петро Порошенко – Василиј Хмељук и случаен минувач кој според видеото ги шетал своите две кучиња.
По кратката расправија, телохранителот добил еден удар во главата по што како покосен се срушил на земјата, а украинските медиуми пренесоа дека откако бил пренесен болница, Хмељук им подлегнал на повредите.
Како што пренесуваат украинските медиуми, осомничен за убиството е познатиот украински боксер Петро Очеретјани на кого сега му се заканува затворска казна од 15 години. Снимката од настанот на која членот на обезбедувањето на украинскиот претседател паѓа на земја беше објавена на интернет.
