Се замерил ли министерот за внатрешни работи со најелитната специјална единица во полицијата, или не, останува отворено прашање, особено по денешниот настан на показната вежба која се одржа во Охрид
Според извори во полицијата, Спасовски наводно се замерил и со најелитната специјална единица во полицијата ,,Тигри’’. Факт кој ја поддржуваат тезата дека припадниците на елитната единица ,,Тигри’’ не се во најдобри односи со Спасовски е и последниот настан на показните вежби на полицијата во Охрид.
Имено токму на видеото од овој настан некаде во шеснаесеттата минута може да се забележи како Спасовски ги одминува ,,Тигрите’’ наместо да застане согласно протокол и да се поклони пред знамето. Според протоколот Спасовски требало да одржи и соодветна церемонија и говор пред специјалците, наместо тоа тој ги изигнорирал.
Тоа што дополнително ги изреволтирало „Тигрите“ е тоа што претпоставените ги разбудиле уште во 5 часот изутрината за да ги подготват за поздравот со министерот, кој на крајот ги одминал.
Дали станува пропуст на протоколот на Спасовски, или пак невнимание, останува да се расчисти.
