Интервјуто на Меган Маркл и принцот Хари со Опра Винфри е главна тема на сите светски медиуми, а ќе се емитува денес (по американско време) на „Си-Би-Ес“, додека премиерата во Велика Британија ќе биде на „ITV“ еден ден подоцна, а на балканскиот простор ќе го емитува хрватската RTL, утре (понеделник, 8.март во 19.30. часот).
Многумина тврдат дека овој разговор е интервју за деценијата, а го најавуваат бројни тизери. Острите реакции на јавноста и деталите зад сцената, и сите заедно потврдуваат дека британскиот двор утре го очекува „ДЕН Д“.
Во еден тизер Меган Маркл вели дека да се биде член на британското кралско семејство не е она што луѓето го замислуваат, пренесува „Би-Би-Си“ и дека таа денес се чувствува слободна затоа што може да зборува за себе.
„Сите ние носиме свои одлуки, но тогаш не можев да го сторам тоа. Не беше на мене да одлучам”, ја објаснила Меган Маркл одлуката за интервјуто.
Тизерите први ги објави „Тајмс“, а интервјуто следеше во моментот кога Бакингемската палата започна истрага поради сомневање дека Меган, додека престојувала со Хари во палатата Кенсингтон, го малтретирала персоналот. Ваквите обвинувања таа ги нарече нов напад врз себе и ги обвини Кејт Мидлтон и Камила од Корнвол за „ширење лаги“.
Во ИГРА се многу пари
Во пресрет на американската премиера на интервјуто, „Daily Mail“ пишува дека „Си-Би-Ес“ платил помеѓу седум и девет милиони долари на компанијата на Опра Винфри – „Харпро продукција“ за пренос на разговорот со Меган и принцот Хари.
Британскиот весник наведува дека оваа мрежа за реклами од 30, секунди, што ќе се емитуваат за време на двочасовната емисија, наплатува околу 325.000 долари.
„Си-Би-Ес“ има право да го продава интервјуто на меѓународниот пазар, а досега е продадено во 17. земји, „ITV“, наводно, го купил правото да се прикажува во Британија за еден милион фунти.
Наводно, Меган и Хари не добиле никаков финансиски надомест за интервјуто, но разговорот со Опра Винфри ќе помогне за подобро пласирање на нивниот бренд.
Интервјуто се очекува да ги зголеми тензиите меѓу Меган Маркл, принцот Хари и британскиот двор, пишува „Daily Mail“.
Кои ќе бидат последиците од расколот?
„Daily Mail“ истакнува дека, иако Меган и Хари тврдат дека го напуштиле дворот поради негативниот однос на британските медиуми кон нив, на насловните страници се гледа спротивното. Не треба да се заборави дека славната двојка го тужеше британскиот весник за загрозување на нивната приватност и незаконско објавување на писмото што Меган му го испрати на нејзиниот татко Томас Маркл, како и промени во содржината на тоа писмо.
Од друга страна, од тизерот може да се заклучи дека Меган и Хари биле многу решени да го раскажат својот дел од приказната. Клиповите за интервјуто сугерираат дека односите меѓу нив и судот нема да се подобрат во блиска иднина. Всушност, пред очите на светската јавност се води вистинска војна помеѓу британскиот принц и неговата сопруга и британското кралско семејство.
Интервјуто ќе се емитува една година откако „Мегзит“ стапи на сила и неколку недели откако Меган и Хари објавија дека очекуваат второ дете. На интервјуто му претходеше најава дека тие нема да се вратат на дворот или на должностите на постарите членови на семејството.
Врската помеѓу Меган и Хари и дворот потсетува на односот помеѓу кралското семејство и принцезата Дајана. Принцот во еден од тизерите повторил дека со напуштање на дворот сакал да избегне повторување на сè што и се случило на неговата мајка.
За време на интервјуто со Опра, Меган носи фустан од модната куќа „Армани“ и нараквица што и припаѓала на Лејди Ди.
https://www.instagram.com/p/CL_dbTwl48n/?utm_source=ig_web_copy_link
И токму денес, британската полиција ја отфрли кривичната истрага во врска со обвинувањата на Чарлс Спенсер, братот на принцезата Дајана, кој тврди дека Лејди Ди била на измама принудена да даде интервју за „Би-Би-Си“ во 1995 година.
Дајана тогаш во разговор со Мартин Башир признала дека имала љубовна врска, и открила неколку поинтимни детали од нејзиниот неуспешен брак со принцот Чарлс.
Спенсер рекол дека „Би-Би-Си“ дури не се извинил за „фалсификувани документи и други измами“, што ги користел новинарот Башир со цел да направи интервју со принцезата.
„Во текот на претходните месеци, градската полиција доби извештај за наводни незаконски активности поврзани со документарецот од 1995 година. По детална анализа, утврдивме дека не е соодветно да се започне истрага за овие наводи“, рекол полицискиот командант Алекс Мари.
Фото: Принтскрин/Instagram
