March 29, 2024, 10:32 am

(Видео)ЃОРЧЕ СПЛОТЕНО ОКОЛУ МИСАЈЛОВСКИ: Владо Мисајловски – Кендо го сплоти Ѓорче Петров, заедно за нова ера, со нова визија!

Поврзано

- Advertisement -
- Advertisement -

Кандидатот за градоначалник за Општина Ѓорче Петров од ВМРО-ДПМНЕ Владо Мисајловски денес ја промовираше својата програма во Домот на културата, по што свечено беше пуштен промотивниот штаб на кандидатот за градоначалник.

Мисајловски во своето обраќање пред огромниот број присутни во Домот на културата истакна дека без граѓаните, ништо нема да може да се направи.

-Кога ја добив понудата да се кандидирам за градоначалник веднаш прифатив. Тука сум роден, тука сум израснат, целиот живот сум го поминал меѓу вас и затоа имам толку голема енергија. Мојата енергија ќе биде од вас за вас, рече кандидатот за градоначалник од ВМРО-ДПМНЕ.

Мисајловски истакна дека имаат јасна визија, цел, конкретна и точна програма за Општина Ѓорче Петров да стане уште подобро место за живеење, модерно и урбано за сите граѓани.

-Водејќи се од потребата за современо живеење посетивме многу куќи, се видовме со многу жители, ги видовме сите потреби и ветивме. А од ветеното не бегаме. Ден по ден, проект по проект заеднички ќе реализираме. Се што сме ветиле за доброто на нашите деца, за сите, за Ѓорче, најубавото Ѓорче во Град Скопје. Инфраструктурата ќе биде мој најголем приоритет, нема да дозволиме да има неасфалтирани улици во Ѓорче Петров. Во наредниот планирано е да се асфалтираат над 100 улици во Ѓорче Петров. За да ја зголемиме безбедноста, заедно со Градот Скопје ќе изградиме нови кружни текови. Не помалку важно, но приоритетно и е подобрување на водоснабдувањето и изградба на канализационите мрежи, нови паркинг места, осветлување низ општината, изградба на рекреативни патеки. Сето ова се проекти излезени од вашите потреби, истакна Мисајловски пред големиот број граѓани, рече Мисајловски.

Тој потенцираше дека социјалниот аспект е особено значен, па нагласи дека две нови градинки ќе бидат изградени во општината, а постоечките ќе се реконстуираат со цел зголемување на капацитетите.

Реконструкција на неколку основни училишта, изградба на спортски сали, бесплатен интернет за сите ученици, изградба на детски игралишта во секое маало во општината, изградба на баскет игралишта, паркови, како и целосна финансиска поддршка за ФК „Македонија Ѓорче Петров“, се дел од големиот број проекти предвидени во програмата на Мисајловски за Општина Ѓорче Петров.

-Еден од многуте проекти ќе биде изградбата на најубав модерен парк со сите пропратни содржини на местото на сегашниот парк. Ќе имаме најубав парк во цел град. Ова е тим за победа кој доследно ќе стои зад секое ветување во програмата. Ветиме: асфалтирање на 25 улици во Кисела Јабука, асфалт ќе добие и Ново Село, седум улици во Стопански Двор, асфалтирање на 35 улици во Волково. Ќе се асфалтираат и улици во Дексион, Ѓорче Петров, Хром, Даме Груев, Мирче Арцев, посочи тој.

Кандидатот за градоаначлник истакна дека нов кружен тек ќе биде изграден на булеварот „Македонска војска“ и улица „Ѓорче Петров“. Во делот на комуналната сфера, вели тој, ќе се изгради систем за снабдување со вода во високата зона во Ѓорче Петров, а ќе биде доизградена и канализацијата во Волково, како и колектор за фекални води.

-Предвидовме секоја година да издвојуваме средства за одржување и изградба на пешачки и велосипедски патеки, како и одржување на тротоарите. Ќе направиме целосна реконструкција на целото осветлување на територија на цела општина Ѓорче Петров. ќе ги осветлиме паркинзите и училишните дворови. Ќе инвестираме во реконструкција на основните училишта и изградба и реконструкција на салите. Во програмата предвидовме реконструкција на ОУ „Ѓорче Петров“ и ОУ„Јоаким Крчовски“ во Волково, како и ОУ „Тихомир Милошевски“, ОУ „Димитар Поп Георгиев Беровски“. Ќе изградиме нова спортска сала, ќе ги реконструираме фискултурните сали во две основни училишта. За учениците предвидено е бесплатен интернет во сите училишта. Еден од приоритети е изградба и на нови градинки. Градинка во Волково со капацитет од 100 дечиња и во Ново Село за 80 дечиња. Ќе се зголеми и капацитетот на три градинки, во Хром, Мирче Ацев и Дексион. Во сите градинки ќе се набави нов мебел, реквизити и играчки, вели Мисајловски.

Нови еколошки енергетски фасади за повеќе згради во општината во договор со граѓаните, е уште еден од проектите во програмата на Мисајловски.

-Ќе има посебен дел за привлекување на странски инвестиции, во областа на туризмот, индустријата, земјоделството, спортот. Отворање на нови работни места, згоелема економска активност во општината. Посебен партнерски однос со бизнис секторот. Ќе иницираме постапка за формирање на локален совет и советувалиште за правата на жените, децата и сите ранливи категории, вели тој.

На настанот промовирана беше и листата на кандидатите за советници на Општина Ѓорче Петров, а својата програма пред ѓорчепетровци ја промовираше и актуелниот и кандидат за градоначалник на Град Скопје Коце Трајановски.

1 коментар

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This