Полицијата во Русија трага по жителка на Енгелс, која е осомничена дека го фрлила своето бебе во ѓубре вчера во утринските часови.
Малото момче било спасено благодарение на случаен минувач, кој слушнал плачење од контејнерот. Бебето итно било пренесено во болница. Не е познато во каква состојба е.
Безбедносните камери од околните згради ја снимиле жената во летен фустан како гледа наназад, а потоа се приближува кон контејнерот и ја фрла кесата во која се наоѓало бебето.
Трагичниот настан се случил околу 5 часот и 40 минути, а жената потоа исчезнала во непознат правец.
Се смета дека живеела во тој дел од градот, а во тек е интензивна потрага по неа.