заменикот министер за надворешни работи Георг Георгиев ја шокираше македонската јавност со својата изјава за неотпочнувањето на преговори на Македонија со Европската Унија. Според него Бугарија не е единствената држава која го блокира нашето членство во Унијата. Говорејќи за проблематиката Георгиев спомена две држави, Холандија и Франција.
-Се отвара прашањето дали Бугарија е единствената држава на ниво на Европската Унија која го блокира Република С. Македонија? Да се вратиме само неколку месеци наназад кога имаше и други држави кои ги иразија своите резерви за отпочнување на преговорите со Македонија. Холандија беше, Франција беше така да на никаков начин, ние не сме единствената држава која го блокира членството на Македонија во Европската Унија.
⚠️Бугарскиот заменик министер за надворешни работи тврди дека Бугарија не е единствената која ја стопира Македонија за влез во ЕУ⚠️ pic.twitter.com/uhFY0sonbw
— MITE NAJDOFF (@Kalabalak_) November 25, 2020
Да се потсетиме дека овогодинешното фијаско на Владата кога станува збор за членството во ЕУ не е единствено. Минатата година токму Франција за која говори Георгиев пресуди за европската иднина на Македонија. Инфомакс повеќе пати ја отвораше дилемата дали само Бугарија стои зад ветото во ЕУ имајќи ја во предвид сериозната политичка криза во која се наоѓа ЕУ поради пандемијата и неможноста да го изгласа буџетот за 2020 година. По се изгледа дека ќе почекаме уште долго за да станеме дел од европското семејство.
