March 29, 2024, 10:57 am

(Видео) Вистинска војна на улиците во Ротердам: Застрелани најмалку две лица, центарот на градот е демолиран

Поврзано

- Advertisement -
- Advertisement -

Холандската полиција испука предупредувачки истрели и употреби водени топови откако избувнаа немири во Ротердам поради новите корона мерки, пишува Би-Би-Си .

Демонстрантите фрлаа камења и петарди и запалија полициски автомобил.

Стотици демонстранти се собраа за да го покажат својот гнев поради планот на владата дека контроверзните пропусници за ковид може да ги поседуваат само вакцинирани и граѓани кои преживеале ковид-19, додека негативен тест повеќе нема да се признава. За многумина, заклучувањето, во кое Холандија влезе пред една недела, послужи како повод, а за некои, најавата на владата дека ќе го забрани новогодишниот огномет не им одговараше.

Холандија воведе тринеделно делумно заклучување минатата недела бидејќи се зголеми бројот на нови случаи на инфекција.

Полицијата испука неколку истрели бидејќи „ситуацијата стана опасна по живот“, изјави за Ројтерс портпаролката на полицијата Патриша Веселс . Ова резултирало со повреди на најмалку две лица.

Видео може да погледнете ТУКА.

Ротердам е во вонредна состојба, а главната железничка станица е затворена поради насилство. Демолиран е центарот на градот, а покрај две лица кои биле застрелани од полицијата, има уште најмалку 7 повредени, меѓу кои и полицајци. Во текот на ноќта беа уапсени десетици луѓе.

Снимките објавени на социјалните мрежи покажуваат запалени полициски автомобили и демонстранти како фрлаат камења врз полицијата на една од главните трговски улици во градот. Некои луѓе на социјалните мрежи споделија слики од човекот за кој рекоа дека бил застрелан од полицијата, но полицијата вели дека иако ги виделе фотографиите, сè уште не знаат како лицето било повредено.

Холандија воведе нови ограничувања минатата сабота, откако забележа рекорден број на нови инфекции од почетокот на пандемијата.

Видео може да погледнете ТУКА.

Новите мерки значат дека продавниците и рестораните мора да ги затворат вратите порано, а спортските настани да се одржуваат без публика.

Демонстрантите се судрија и со полицијата во Хаг откако беа најавени нови мерки.

Демонстрантите во Ротердам го изразија своето незадоволство од владината одлука да воведе карти за ковид само за оние кои биле вакцинирани или закрепнале од Ковид-19.

Претходно во петокот владата втора година по ред го забрани огнометот на новогодишната ноќ. Мерката, објаснуваат тие, е воведена за „да се избегне дополнителен притисок врз здравството“, соопшти владата.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This