Дупката ја направиле руските научници во времето на Советскиот Сојуз, а денес е затворена и прекриена со метален капак. Локалното население прераскажува стpашни приказни поврзани со оваа најдлабока дупка на светот.
Дупчењето започнало на 24 мај 1970 година со намера да научи што е можно повеќе за Земјината кора. За 22 години научниците имаа можност да истражуваат до длабочина од повеќе од 12 километри, но во 1992 година мораа да запрат, бидејќи температурата на таа длабочина изнесувала 180 степени Целзиусови, повисока отколку што предвидувале научниците.
Иако дупката е затворена со метален капак (што е заварен) и неговиот дијаметар е само 23 сантиметри, така што никој случајно не може да падне во неа, мештаните велат дека од таму слушаат човечки извици, па затоа го нарекуваат „бунар за пеколот“.
Дупката е подлабока од најдлабоката бразда на светот (Маријанската бразда), чија најдлабока точка е 11.034 метри под морското ниво.
