Поранешниот фудбалер на Академија Пандев, Марио Маслаќ го направи најглупавиот можен потег во кариерата денеска на рестартот на сезоната во Србија, доби директен црвен картон откако се замисли дека е Мајк Тајсон, па го нокаутираше противникот.
Маслаќ кој замина од Струмица зимава и се пресели во Раднички Ниш, му удри бокс во лице на својот чувар при еден центаршут за нишлиите, па судијата без размислување го испрати во соблекувалната за да ја олади главата, а веројатно сега за потегот го чека и добра казна со која повеќе од извесно е дека ја заврши сезоната, а можеби ќе го пропушти и стартот на следната.
Маслаќ, кој има 29 години, освен во Академија Пандев играше и за струмичка Беласица, а во кариерата настапуваше и за Борац Чачак, Војводина, Иртиш Павлодар и Рига.