Владата на предлог на Комисијата за заразни донесе одлука за воведување полициски час од утре (4 јуни) во 21 часот до понеделник (8 јуни) до 5 часот наутро во Скопје – сите скопски општини, во Општина Куманово, Општина Липково, Општина Штип, Општина Тетово, како и во Боговиње, Брвеница, Теарце, Желино и Јегуновце.
Во сите останати градови полицискиот час ќе трае од утре (4 јуни) во 21 часот до задутре (5 јуни) до 5 часот наутро, додека во останатите денови ќе започнува од 16 часот и ќе трае до следниот ден до 5 часот наутро.
Исто така апсолутно се забранува посета на гробишта на територијата на целата држава, а за евентуални прекршувања на забраната ќе следат казни.
За време на периодот за кој е донесена оваа одлука за забрана за движење, аптеките ќе работат непречено, а Министерството за здравство ќе изработи план за непречена работа и на здравствените установи.
Забраната за движење не важи за лицата со попреченост и за нивните придружници доколку имаат соодветна документација.